Voleıboldan Qazaqstan chempıonaty: óskemendikter «Qýanyshty» qapy qaldyrdy

ÓSKEMEN. KAZINFORM - Óskemen qalasynda voleıboldan áıelderdiń ulttyq lıga komandalary arasynda ótip jatqan el birinshiliginde «Berel» men «Qýanysh» kezdesti.

Ótken jyly Rıshat Gılıazýtdınov jattyqtyratyn óskemendikter kúmis medaldi oljalasa, soltústikqazaqstandyqtar (bas bapkeri Azamat Esimov) úzdik úshtikke ilikken edi.

Bul joly birinshi jartylaı fınaldyq básekede alań ıeleri sheberlikteriniń basym ekendigin tanytty - 3:0 (25:23, 25:19, 25:22).

Endi «Berelge» erteńgi oıynda jeńse, jetip jatyr, fınalǵa shyǵady.

Eske sala keteıik, budan buryn voleıboldan Qazaqstan chempıonatynda «Jetisýdyń» jartylaı fınalda «Turandy» tize búktirgenin jazǵan bolatynbyz.

Ótken jyly júldeli oryndardan tys qalǵan taldyqorǵandyqtar osyǵan deıin chempıonatta qatarynan 16 matchta jeńiske jetken edi.

Bul joly birinshi partııa sońynda Asqar Shalqybekovtiń shákirtteri 22:20 esebimen alǵa shyqqanymen, sol múmkindikti paıdalana almady — 22:25. Budan keıin Marko Grshıch jattyqtyratyn «Jetisý» des bermedi — 25:15, 25:19. Qorytyndy esep — 3:0.