Voleıboldan Qazaqstan chempıonaty: Oralda pleı-off básekeleri bastalady

ORAL. KAZINFORM — Búgin Oraldaǵy «Jaıyq arena» sport kesheninde voleıboldan erlerdiń ulttyq lıga komandalary arasynda XXXIII Qazaqstan chempıonaty pleı-off kezeńiniń bastapqy matchtary ótedi.

Alańǵa birinshi bolyp A tobynan «Pavlodar» men «Taraz» komandalary shyǵady.

Pavlodarlyqtar 2023 jyly el chempıony atansa, «Taraz» byltyr úzdik shyqqan edi. Ótken jyly «Pavlodar» kúmis alsa, «Esil» úzdik úshtikti túıindegen bolatyn. 

Osy maýsym barysynda pavlodarlyqtar tarazdyqtardy úsh ret jeńgen edi. Bul joly qalaı bolatynyn oıyn kórsetedi. A tobynda sondaı-aq «Jetisý» (Taldyqorǵan) baq synaıdy. 

Top jeńimpazy jartylaı fınalda 2024 jylǵy kýbok pen sýperkýbok ıegeri, turaqty chempıonatty ekinshi orynmen túıindegen «Aqtóbe» komandasymen (bas bapkeri Sergeı Trıkoz) kezdesedi. 

Birinshilikti kósh basynda aıaqtaǵan Vıktor Kozık jattyqtyratyn «Jaıyq» klýby óz alańynda jartylaı fınalda B tobynda úzdik shyqqan komandamen synǵa túsedi. Bul topta «Býrevestnık» (Almaty), «Atyraý» jáne «Esil» (SQO) baq synaıdy. 

Búgin «Atyraý» men «Esil» ózara sheberlik baıqasady. 

Bir jarym aptadan soń, 2 nemese 3 sáýirde bıylǵy Qazaqstan chempıony anyqtalady. 

Eske sala keteıik, budan buryn «Taraz» komandasynyń voleıboldan Qazaqstan chempıony bolǵanyn jazǵan bolatynbyz.

Sondaı-aq bapker voleıbol deńgeıin kóterý úshin týǵan jerine oralǵanyn aıtty.