Voleıboldan Qazaqstan chempıonaty: Bastapqy týrda kimder kezdesedi
ASTANA. KAZINFORM — Almaty, Taraz, Taldyqorǵan jáne Óskemen qalalarynda 17-18 qazanda voleıboldan erlerdiń ulttyq lıga komandalary arasynda Qazaqstan chempıonaty alǵashqy týrynyń oıyndary ótedi.
Bıyl kúzden bastap ulttyq lıga jańa formatqa kóshkeni belgili. Osyǵan oraı komandalar óz alańynda jáne syrtta eki oıynnan ótkizedi.
Qazaqstan voleıbol federatsııasynyń málimetine qaraǵanda, áıelderdiń ulttyq lıgasynda 8 komanda óner kórsetse, erler arasynda 9 klýb baq synaıdy. Sondyqtan erlerdiń turaqty chempıonaty 18 týrdan turady. Pleı-off básekelerine deıin ár klýb 16 match ótkizedi.
Olardyń bireýi týr saıyn eki oıynnan tys qalyp otyrady. Bul joly 17-18 qazandaǵy oıyndarǵa el chempıonatynyń qola júldegeri Oraldyń «Jaıyǵy» qatyspaıdy.
Demalys kúnderi «Býrevestnık» Almatydaǵy óz alańynda «Atyraý» klýbyn qabyldaıdy.
Tartysty oıyndar Tarazda jergilikti komanda men bıylǵy kúmis júldeger «Aqtóbeniń» arasynda ótpek.
Qazaqstan chempıony «Jetisý» (Jetisý oblysy) Taldyqorǵanda ulttyq lıga debıýtanty «Oqjetpesti» (Aqmola) synap kóredi.
Sondaı-aq «Berel» Óskemende «Qýanysh» (SQO) komandasymen kezdesedi.
Eske sala keteıik, budan buryn voleıboldan «Jetisý» erler klýby alǵash ret el chempıony atanǵanyn jazǵan edik.
Sondaı-aq «Jaıyq» voleıbol klýby Qazaqstan chempıonatynyń qola júldesin jeńip aldy.
