Voleıboldan Qazaqstan chempıonaty: «Atyraý» komandasy «Esilden» aılasyn asyrdy

ORAL. KAZINFORM — Oral qalasyndaǵy «Jaıyq arena» sport kesheninde voleıboldan erlerdiń ulttyq lıga komandalary arasynda Qazaqstan chempıonatynyń toptyq básekesinde «Atyraý» men «Esil» alańǵa shyqty.

Bul B tobyndaǵy alǵashqy kezdesý edi.

Islam Jumabekov jattyqtyratyn atyraýlyqtar oıyn tizginin birden qolyna alyp, match aıaqtalǵansha sol qarqynynan tanǵan joq – 3:0 (25:22, 25:15, 25:18).

Osylaısha, ótken jyly tórtinshi orynǵa taban tiregen atyraýlyqtar bıyl da júldege talasýdan úmitti ekendikterin baıqatty. 

«Atyraý» erteń «Býrevestnık» (Almaty) klýbymen oınaıdy. Bul toptan jartylaı fınalǵa joldama alǵan komanda «Jaıyqpen» (Oral) kezdesedi.

A tobynda seısenbi kúni «Jetisý» (Taldyqorǵan) – «Pavlodar» ózara synǵa túsedi. 

Eske sala keteıik, budan buryn voleıboldan el chempıonatynda «Pavlodar» klýbynyń pleı-off kezeńin jeńispen bastaǵanyn jazǵan bolatynbyz.