Voleıboldan Qazaqstan chempıonaty: Alǵashqy fınaldyq kezdesýde «Jetisý» jeńiske jetti
ASTANA. KAZINFORM — Astana qalasyndaǵy «Barys arena» stadıonynda voleıboldan áıelderdiń ulttyq lıga komandalary arasynda Qazaqstan chempıonatynyń fınalynda «Jetisý» (Taldyqorǵan) men «Qýanysh» (SQO) klýbtary kezdesti.
Serbııalyq maman Marko Grshıch jattyqtyratyn taldyqorǵandyq komanda óz tarıhynda toǵyz dúrkin el chempıony atansa, soltústiqazaqstandyqtar (qazirgi bapkeri ıÝrıı Panchenko) qola júldeden aspaǵan edi.
Bul joly bes partııaǵa sozylǵan matchta «Jetisý» jeńiske jetti - 3:2 (25:22, 19:25, 12:25, 25:22, 15:12).
Erteń komandalar ekinshi fınaldyq kezdesýin ótkizedi. Onda taldyqorǵandyqtar utsa, chempıon atanady.
Qola júlde úshin birinshi básekede «Turan» (Turkistan) Óskemenniń «Berelinen» basym tústi – 3:2 (23:25, 26:24, 19:25, 25:17, 15:9).
Al 5-8 oryndar úshin talasta qaraǵandylyqtar «Astanany» qapy qaldyrdy – 3:0 (25:19, 25:21, 25:15). «Almaty» aqtóbelikterden aılasyn asyrdy - 3:0 (25:17, 25:18, 25:15).
Eske sala keteıik, budan buryn voleıboldan Qazaqstan chempıonatynda «Jetisý» men «Qýanysh» klýby altyn júldege talasatynyn jazǵan bolatynbyz.
