Voleıboldan «Gratsııa KZ» komandasy Ýkraınada ótken halyqaralyq jarysta birinshi oryndy ıelendi

ORAL. 10 qyrkúıek. QazAqparat - Ýkraınanyń Sambor qalasynda 1999-2000 jylǵy qyzdar arasynda «Sambor-2013» VІІ halyqaralyq týrnıri márege jetti.

Oblystyq balalar-jasóspirimder sport mektebinen (OBJSM) túsken málimetke qaraǵanda, atalmysh jarysta Polsha, Slovenııa, Ýkraına, Germanııa elderiniń komandalarymen synǵa túsken oraldyq «Gratsııa KZ» solardyń bárin de tize búktirip, jeńimpaz atandy. OBJSM tárbıelenýshilerinen quralǵan komandany Kóleńke Ǵubashev jattyqtyrady.

Sondaı-aq Reseıdiń Sol-Iletsk qalasynda 2001-2002 jylǵy jasóspirimder arasynda ótken taǵy bir halyqaralyq týrnırde atalmysh OBJSM komandasy ekinshi orynǵa kóterildi. Oǵan Sol-Iletsk, Orynbor, Penza, Novokýıbyshevsk, ıAsnyı jáne Oral qalasynan komandalar qatysty. Oraldyqtar Novokýıbyshevsk komandasyna ǵana jol berdi.