Voleıboldan erler komandalary arasyndaǵy QR Prezıdenti kýbogynda «Qazaqstan-1» quramasy úshinish orynda kele jatyr
ALMATY. 3 qyrkúıek. QazAqparat - Voleıboldan Almatyda ótip jatqan «QR Prezıdenti kýbogy» HІH halyqaralyq týrnırinde 9 upaımen taılandtyqtar kósh bastaýda.
Olar Týnıs quramasyn 3:0, «Qazaqstan-2» quramasy men Qytaıdyń Beıjiń qalasynyń «BAIC Motor» komandasyn 3:1 etip utyp, «Qazaqstan-1» quramasyna ǵana 0:3 esebimen jeńilis tapty. Birdeı upaı jınaǵanymen alǵashqy oıynda olarǵa 0:3 esebimen utylyp, Bahreın men «Qazaqstan-1» quramalaryn 3:1, «Qazaqstan-2» quramasyn 3:0 esebimen jeńgen týnıstikter ekinshi ornyda tur. Buǵan deıin 6 upaımen kósh bastap kelgen Gennadıı Parshın jattyqtyratyn «Qazaqstan-1» ulttyq quramasy keshe úshinshi orynǵa túsip qaldy. Olar Bahreın men Taıland sportshylaryn (3:0) oısyrata jeńgenimen, «BAIC Motor» komandasy men Týnıs voleıbolshylaryna 3:1 esebimen jeńilip qaldy.
Búgin endi aqtyq kezdesýde «Taıland» pen «Bahreın», «Týnıs» pen «BAIC Motor», Qazaqstan-2» men «Qazaqstan-1» ózara kezdesedi. Kýbog ıegeri kóshbasshylar arasyndaǵy oıynda belgili bolady. Al bul synda qazaqstandyqtardyń ekinshi oryn alýǵa múmkindigi bar.
