Voleıboldan erler komandalar arasynda Qazaqstan kýbogynyń shırek fınaldyq oıyndary ótedi
ALMATY. Qazannyń 12-si. QazAqparat /Erlik Erjanuly/ - Qazannyń 13-i kúni Hromtaý qalasynda voleıboldan erler komandalary arasynda Qazaqstan kýbogynyń shırek fınaldyq oıyndary bastalady.
Oǵan Hromtaýdyń «Kazhrom», Atyraýdyń "Atyraý", Óskemenniń "Shyǵys-QorǵasynQurylys", Oraldyń "Kondensat", Qyzyljardyń "Esil", "Astananyń "Ushqyn", Semeıdiń "Semeı" jáne Pavlodar oblysynyń "Ertis-AO AK" komandalary qatysady. Qazannyń 20-syna deıin sozylatyn bul dodada úzdik shyqqan 4 komanda jartylaı jáne aqtyq syndarda kezdesýge joldama alady. Jalpy Qazaqstan kýbogy oıyndaryna XVIII el chempıonatynyń jeńimpazy sanalatyn "almatylyq" voleıbolshylar qatyspaıdy.
