Voleıboldan erler arasyndaǵy Ulttyq lıga oıyndary aıasynda barlyq komanda jeńilistiń aşy dámin tatýda
ALMATY. 15 qarasha. QazAqparat - Keshe Almatylyq voleıbolshylar Hromtaýda ótip jatqan Ulttyq lıgadaǵy erler komandalary arasyndaǵy Qazaqstannyń HHІ chempıonatynyń 1-shi týrynda jeńilissiz kele jatqan atyraýlyqtardyń arynyn basty.
Alǵashqy úsh kezdesýdiń qorytyndysy boıynsha 9 upaımen alǵa shyqqan olardy pavlodarlyqtar qýyp jetti. Al atyraýlyqtardan 3 upaı oljalap, 7 upaımen úzdik úshtikti túıindep turǵan almatylyqtardyń búgin endi óz kórsetkishin jaqsartýǵa múmkindigi bar. Olardyń bul jolǵy qarsylasy pavlodarlyqtar bolmaq. Al jupsyz qalǵan atyraýlyqtar búgin demalys alsa, qyzyljarlyqtar («Esil») óskemendiktermen («Shyǵys-QorǵasynQurylys»), hromtaýlyqtar («TNK Qazhrom») oraldyqtarmen («Kondensat») sheberlik talastyrady. Qazir alań ıeleriniń qorjynynda - 4, qyzyljarlyqtarda - 2 upaı bolsa, óskemendikterde birde-bir upaı joq. Almatylyqtardyń ózge qarsylastarynan sondaı-aq, qazir 1 oıyny kem ekenin eskersek týrnır kestesindegi kóshbasshylyqty óz qolyna alýyna barlyq múmkindigi bar. Sebebi almatylyqtardy 3:2 esebimen utqan hromtaýlyqtar Pavlodar komandasyna 1:3 esebimen jeńilip qalǵan bolatyn.
