Voleıboldan erler arasyndaǵy Qazaqstan kýbogynyń aqtyq saıystary Hromtaýda ótedi
ALMATY. 24 qazan. QazAqparat - Hromtaýda 27-28 qazan kúnderi voleıboldan erler komandalary arasyndaǵy HHІ Qazaqstan kýbogynyń jartylaı jáne aqtyq saıystary ótedi.
Buǵan deıin onda 16-23 qazanda shırek fınaldyq oıyndar ótken bolatyn. Onda úzdik shyqqan «Kondensat-Jaıyqmunaı» (Oral), «Almaty», «Pavlodar» men «TNKQazhrom» (Hromtaý) komandalary jartylaı fınalǵa shyqty. Endi 27-si kúni almatylyqtar men pavlodarlyqtar, oraldyqtar men hromtaýlyqtar ózara kúsh synasady. Óz qarsylasyn utqandar kelesi kúni aqtyq synda el kýbogyn sarapqa salsa, jeńilgender úshinshi orynǵa talasady.
Shırek fınalda almatylyqtar 3:1 (25:27, 25:21, 25:16, 25:21) esebimen qarsylasyn oısyra utsa, oraldyqtar alań qojaıyndaryna 2:3 esebimen (25:15, 26:28, 25:21, 19:25, 16:18) jeńilis tapqan bolatyn. Al jalpy esepte oraldyqtar 18 upaımen birinshi, almatylyqtar 16 upaımen ekinshi, pavlodarlyqtar men hromtaýlyqtar 14 upaımen 3-4-oryndy ózara bólisken edi.
