Voleıboldan erler arasyndaǵy Azııa chempıonatynda qazaqstandyqtar ekinshi kezeńdi sátti ótkizýde
ALMATY. 27 qyrkúıek. QazAqparat /Erlik Erjanuly/ - Voleıboldan Tegeranda ótip jatqan erler komandalary arasyndaǵy XVI Azııa chempıonatynyń ekinshi kezeńinde Gennadıı Parshınniń shákirtteri ekinshi jeńisine qol jetkizdi.
Keshe olar Taıpeı quramasyn 3:0 (25-17, 25-15, 25-22) esebimen oısyrata utty. Buǵan deıin olar Aýǵanstan voleıbolshylaryn da 3:0 (25-14, 25-13, 25-9) jeńgen bolatyn. Qazaqstandyqtar búgin endi Katar sportshylarymen kezdesetin bolady. Olar alǵashqy oıynda ózbekstandyqtardy 3:0 esebimen jeńgenimen, keshe ındonezııalyqtardan 1:3 esebimen jeńilip qaldy. Qazirgi tańda qazaqstandyqtar óner kórsetip jatqan 9-16 oryndarǵa talasatyn komandalar arasynda Qazaqstan, Taıland jáne Indonezııa quramalary ǵana jeńilissiz kele jatyr. Al 1-8 oryndardy sarapqa salýshylar arasynda Avstralııa. Iran, Ońtústik Koreıa men Úndistan sportshylary qarsylastaryn 2 oıynda da qapy qaldyryp úlgerdi. Búgin ekinshi kezeńniń sońǵy oıyndaryn ótkizgen soń, jartylaı synǵa shyqqan komandalar belgili bolady. Al jeńimpazdar 29-qyrkúıektegi aqtyq oıynda anyqtalady.
