Voleıboldan erler arasynda Qazaqstan kýbogynyń shırek fınalyna joldama alǵan komandalar belgili boldy
ALMATY. Qyrkúıektiń 18-i. QazAqparat /Erlik Erjanuly/ - Keshe Óskemende erler komandalary arasyndaǵy Qazaqstan kýbogynyń alǵashqy kezeńi aıaqtaldy,
dep habarlaıdy QazAqparat QR Voleıbol federatsııasyna silteme jasap.
Qyrkúıektiń 12-si kúni jalaýyn kótergen bul jarystyń qorytyndysynda barlyq oıynda qarsylastarynan basym túsken Astana qalasynyń "Ushqyn" komandasy 10 upaımen birinshi orny aldy. Ekinshi oryndy 8 upaımen "Semeı" (Semeı), al 3-4 oryndy odan 1 upaıy kem Petropavldiń "Esil" men Pavlodardyń "Ertis" komandalary bólisti. Olar endi qazannyń 13-20-sy kúnderi Hromtaý qalasynda ótetin Qazaqstan kýbogynyń shırek fınaldyq oıyndaryna qatysady. Onda olardyń qataryna Ulttyq lıgada top jarǵan 4 komanda qosylady. Bul synda 1-4 orynǵa ıe bolǵandar qazannyń 29-y men qarashanyń 1-i aralyǵynda Almatyda ótetin aqtyq synǵa joldama alady. Jalpy Qazaqstan kýbogynyń alǵashqy kezeńinde Ushqyn", "Semeı", "Esil" men Ertisten" bólek "TsSKA", "QazUAÝ" (Almaty), "Shyǵys-QorǵasynQurylys 2" (Óskemen), «Esil-Vıktorııa» (Petropavl), ıÝKO (Shymkent), «VSMK Arselormıttal» (Temirtaý), «Taraz-TarGÝ»(Taraz) komandalary qatysqan bolatyn.
