Voleıboldan erler arasynda Qazaqstan kýbogynyń shırek fınalyn almatylyqtar sátti bastady
ALMATY. 19 qazan. QazAqparat /Erlik Erjanuly/ - Almatyda voleıbol erler komandalary arasynda KSRO Sport sheberi jáne eńbek sińirgen jattyqtyrýshy Oktıabr Jarylqapovty eske túsirýge arnalǵan Qazaqstan kýbogynyń shırek fınaldyq oıyndary ótip jatyr.
Keshe alǵashqy oıynda almatylyqtardyń qos komandasynyń bireýi utylyp, ekinshisi jeńiske jetti. Atap aıtqanda «Ushqyn-QazUAÝ» Hromtaýdan kelgen («TNK «QazHrom») qurdastaryna 0:3 esebimen ese jiberdi. «Almaty» komandasy «Taraz-TarMÝ»-dy dál osyndaı eseppen qapy qaldyrdy. Ózge kezdesýlerde Óskemenniń «Shyǵys-QorǵasynQurylysy» Shymkenttiń «Dınamo-Qazyǵurtynan» 2:3, al «Atyraý» «Esilden» (Qyzyljar) 0:3 esebimen jeńilis tapty. Búgin dınamoshylar - atyraýlyqtarmen, ushqyndyqtar - shyǵystyqtarmen, tarazdyqtar - esildiktermen, almatylyqtar qazhromdyqtarmen kezdesedi.
«Temir dos» sport kesheninde ótip jatqan bul jarys 26 qazanǵa deıin sozylady.
