Voleıboldan el chempıony «Turan» komandasy «Aqtóbeden» basym tústi

PETROPAVL. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonatynyń úshinshi týrynda «Turan» (Túrkistan) men «Aqtóbe» kezdesti. 

Ótken jylǵy el chempıony «Turan» aqtóbelikterdi 3:1 (25:16, 24:26, 25:22, 25:16) esebimen tize búktirdi. Osylaısha, Asqar Shalqybekovtiń shákirtteri 31 upaı jınap, tórtinshi orynǵa jaqyndaı tústi.

Tórtinshi satyda 33 upaımen turǵan «Qaraǵandy» komandasy qatarynan úshinshi ret jeńilip qaldy. 

Óz alańynda «Almatydan» 3:0 (25:16, 25:17, 25:17) esebimen aılasyn asyrǵan «Qýanysh» komandasy upaı sanyn 40-qa jetkizip, úzdik úshtikti túıindep tur.

Klýbtar sársenbi kúni demalyp, beısenbide oıyndar qaıtadan bastalady.

Eske sala keteıik, budan buryn «Gratsııa KZ» Pavlodardyń «Ertisinen» basym túskenin jazǵan bolatynbyz.