Voleıboldan el chempıonatynda «Jetisý» «Berelmen» matchta qarymta qaıyrdy
TÚRKІSTAN. KAZINFORM — Túrkistan qalasynda áıelderdiń Ulttyq lıga komandalary arasynda HHHІІ Qazaqstan chempıonatynyń jartylaı fınalynda «Jetisý» (Taldyqorǵan) men «Berel» (ShQO) komandalary ekinshi kezdesýin ótkizdi.
Keshe birinshi oıynda Rıshat Gılıazýtdınov jattyqtyratyn shyǵysqazaqstandyqtar qarsylasyn 3:0 esebimen jeńgen edi.
Bul joly serbııalyq maman Marko Grshıch baptaıtyn taldyqorǵandyqtar jınaqy oınap, qarymta qaıyra bildi. Sóıtip 3:0 (25:23, 25:16, 25:20) esebimen utyp, tarazy basyn teńestirdi – 1:1.
Fınaldyq joldama máselesi erteń úshinshi básekede sheshiledi.
Taǵy bir jartylaı fınalda «Qýanysh» (SQO) pen «Turan» (Túrkistan) sheberlik baıqasady. Ázirge esep – 1:0, «Qýanyshtyń» paıdasynda. Búgin olar utatyn bolsa, fınalǵa joldama alady.
Eske sala keteıik, budan buryn voleıbodan el chempıonatynda «Bereldiń» jartylaı fınalda «Jetisý» komandasyn utqanyn jazǵan bolatynbyz.
Sondaı-aq «Qýanysh» asa tartysty matchta «Turandy» jeńdi.
