Voleıboldan el chempıonatynda «Jaıyq» ekinshi jeńisine qol jetkizdi

ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda ótip jatqan HHHІІІ Qazaqstan chempıonatynyń birinshi týr oıyndary bir kúndik úzilisten keıin qaıta jalǵasty.

Dúısenbi kúni alǵashqy bolyp alańǵa «Jaıyq» (Oral) jáne «Ushqyn-Kókshetaý» komandalary shyqty.

Vıktor Kozık jattyqtyratyn oraldyqtar buǵan deıin «Pavlodardy» utsa, kókshetaýlyqtar (bas bapkeri Aleksandr Stolnıkov) jalǵyz upaımen kósh sońynda edi. 

Bastapqy eki partııada V.Kozık shákirtteri aıqyn basymdylyq tanytty – 25:14, 25:12. Úshinshi partııada «Ushqyn-Kókshetaý» alǵa ketti. V.Kozık oıynshylar almastyryp, jaǵdaıdy túzetýge tyrysyp baqty. Esep 24:21 bolǵan mezette A.Stolnıkovtiń shákirtteri úsh birdeı setboldy paıdalana almady. Vıtalıı Erdshteın dop bergen sátte oraldyqtar úshinshi setti de óz paıdasyna sheshti – 26:24. Jalpy esep – 3:0.

«Jaıyq» 7 upaımen týrnır kestesinde ázirge besinshi orynǵa kóterildi. 

Eske sala keteıik, budan buryn voleıboldan «Aqtóbeniń» kambek jasap, sýperkýbokty jeńip alǵanyn jazǵan bolatynbyz.