Voleıboldan el chempıonatynda «Aqtóbe» vıtse-chempıondy tize búktirdi

PAVLODAR. KAZINFORM — Pavlodar qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń ekinshi týrynda alań ıeleri «Aqtóbemen» sheberlik baıqasty.

Sergeı Grıbov jattyqtyratyn pavlodarlyqtar bıyl kóktemde chempıondyq táj úshin saıysta «Tarazǵa» ese jiberip, kúmis júldeger atansa, aqtóbelikter (bas bapkeri Sergeı Trıkoz) jańa maýsymda kýbok, sosyn sýperkýbokti jeńip alǵan edi. 

Bul joly «Aqtóbe» alań ıelerin 3:0 (25:17, 25:20, 25:20) esebimen tize búktirip, 23 upaımen týrnır kestesinde qaıtadan úzdik úshtikke ilikti. 

Pavlodarlyqtar 22 upaımen tórtinshi satyda tur.

Juma kúni komandalar Pavlodardaǵy sońǵy oıyndaryn ótkizedi. 27 jeltoqsanda «Atyraý» — «Esil», «Taraz» — «Aqtóbe», «Býrevestnık» — «Ushqyn-Kókshetaý», «Pavlodar» — «Jaıyq» klýbtary ózara synǵa túsedi.

Eske sala keteıik, budan buryn voleıboldan kósh sońyndaǵy komandanyń el chempıonyn utqanyn jazǵan bolatynbyz.

Sondaı-aq «Jaıyq» voleıbol klýby qatarynan toǵyz matchta jeńiske jetti.