Voleıboldan el chempıonatynda «Aqtóbe» ekinshi orynǵa kóterildi

PAVLODAR. KAZINFORM - Pavlodar qalasynda voleıboldan erlerdiń ulttyq lıga komandalary arasynda Qazaqstan chempıonatynyń ekinshi týrynda «Aqtóbe» men el chempıony «Taraz» alańǵa shyqty.

Osyǵan deıin qatarynan eki ret jeńiske jetken aqtóbelikter (bas bapkeri Sergeı Trıkoz) tarazdyqtardy tyqsyra bildi.

Bastapqy eki partııa 25:21, 25:19 esebimen «Aqtóbeniń» paıdasyna sheshildi. Úshinshi sette ıÝrıı Bashkatovtyń shákirtteri bet qaratpady – 25:15. Alaıda olar osy qarqynyn jalǵastyra almady – 22:25. Qorytyndy esep – 3:1, «Aqtóbeniń» paıdasynda.

Sóıtip aqtóbelikter 26 upaı jınap, týrnır kestesinde «Jetisýdy» yǵystyryp, ekinshi orynǵa kóterildi. Oraldyń «Jaıyǵy» burynǵysha kósh basynda.

Ekinshi týrdyń qorytyndysy boıynsha «Aqtóbeden» reseılik Kırıll Kostylenko, «Tarazdan» qazaqstandyq Denıs Eşenko úzdik oıynshy atandy. 

Eske sala keteıik, budan buryn voleıboldan el chempıonatynda «Aqtóbeniń» vıtse-chempıondy tize búktirgenin jazǵan bolatynbyz.

Condaı-aq «Atyraý» voleıbol klýby ekinshi týrdy jeńispen aıaqtady.