Voleıboldan el chempıonaty: «Pavlodar» klýby pleı-off kezeńin jeńispen bastady

ORAL. KAZINFORM — Oral qalasynda voleıboldan erlerdiń ulttyq lıga komandalary arasynda Qazaqstan chempıonatynyń pleı-off kezeńi bastaldy.

Alǵashqy bolyp «Pavlodar» men «Taraz» klýbtary alańǵa shyqty.

Ótken jyly pavlodarlyqtar óz alańynda fınalda favorıt sanalsa da, ıÝrıı Bashkatov shákirtterine ese jiberip, kúmisti qanaǵat tutqan edi.

Degenmen osy chempıonat barysynda Sergeı Grıbov jattyqtyratyn pavlodarlyqtar «Tarazdy» úsh ret jeńgen edi.

Bul joly birinshi partııa tarazdyqtardyń esebine jazyldy — 25:23. Osydan keıin «Pavlodar» kambek jasaı bildi — 25:20, 25:16, 25:21. Qorytyndy esep — 3:1.

Osylaısha, «Pavlodar» jartylaı fınalǵa bir qadam jaqyndady.

Eske sala keteıik, budan buryn voleıboldan Qazaqstan chempıonatynda Oralda pleı-off básekeleri bastalatynyn jazǵan bolatynbyz.