Voleıboldan el chempıonaty: «Atyraý» jartylaı fınalǵa joldama aldy

ORAL. KAZINFORM — Oral qalasynda «Jaıyq arena» sport kesheninde ótip jatqan voleıboldan erlerdiń ulttyq lıga komandalary arasynda Qazaqstan chempıonatynyń pleı-off básekesinde «Atyraý» men «Býrevestnık» komandalary synǵa tústi.

B tobynda Islam Jumabekov jattyqtyratyn atyraýlyqtar keshe «Esildi» (SQO) 3:0 esebimen tize búktirgen edi.

«Atyraý» búgingi oıynda da Igor Nıkolchenkonyń shákirtterine esh múmkindik qaldyrmady – 3:0 (25:20, 25:21, 25:19).

Osylaısha, atyraýlyqtar turaqty chempıonatta birinshi orynǵa ıe bolǵan «Jaıyq» komandasymen fınal joldamasyn sarapqa salady. 

Ótken jyly «Atyraý» tórtinshi oryndy qanaǵat tutqan edi.

Eske sala keteıik, budan buryn voleıboldan Qazaqstan chempıonatynda «Atyraý» komandasynyń «Esilden» aılasyn asyrǵanyn jazǵan bolatynbyz.