Voleıboldan el chempıonaty: «Aqtóbe» komandasy jartylaı fınalda «Jetisýdy» jeńdi

ORAL. KAZINFORM — Oral qalasyndaǵy «Jaıyq arena» sport kesheninde voleıboldan erlerdiń ulttyq lıga komandalary arasynda Qazaqstan chempıonatynyń jartylaı fınaldyq oıyny ótti. Alańda «Aqtóbe» men «Jetisý» komandalary kezdesti. 

Sergeı Trıkoz jattyqtyratyn aqtóbelikter 3:0 (25:19, 25:21, 25:16) esebimen jeńiske jetti.

«Aqtóbe» erteń ekinshi oıynda qarsylasyn jeńse, fınalǵa joldama alady.

Ótken jylǵy kúmis júldeger «Pavlodar» 5-8 oryndar úshin básekede «Esildi» 3:1 (25:17, 23:25, 25:16, 25:21) esebimen tize búktirdi. Al, 2024 jylǵy chempıon «Taraz» Almatynyń «Býrevestnık» komandasyna jol berdi — 0:3 (23:25, 20:25, 22:25).

Eske sala keteıik, budan buryn voleıboldan Qazaqstan chempıonatynda «Jetisý» klýbynyń fınalǵa shyǵý úshin «Aqtóbemen» talasatynyn jazǵan bolatynbyz.