Voleıboldan el birinshiliginde Óskemenniń «Bereli» «Almatyny» tize búktirdi

PETROPAVL. KAZINFORM – Petropavl qalasynda voleıboldan áıelderdiń Ulttyq lıga komandalary arasynda HHHІІ Qazaqstan chempıonatynyń tórtinshi týrynda Óskemenniń «Bereli» men «Almaty» komandalary kezdesti.

Týrnır kestesinde úzdik úshtikte turǵan «Bereldi» Rıshat Gılıazýtdınov jattyqtyrsa, «Almatynyń» bapkeri onyń aǵasy Rafael Gılıazýtdınov edi.

Úsh partııada da Rıshattyń shákirtteri basymdylyq tizginin ýysynan shyǵarǵan joq – 3:0 (25:17, 25:17, 25:16).

Osy oıynnan keıin 50 upaı jınaǵan óskemendikter «Jetisý» komandasymen ekinshi-úshinshi oryndy bólisip tur. «Qýanysh» (SQO) burynǵysha kósh bastasa, 49 upaıy bar «Turan» (Túrkistan) tórtinshi, «Almaty» (43 upaı) besinshi orynda keledi.

Búgin sondaı-aq «Jetisý» Pavlodardyń «Ertisin» 3:0 (25:18, 25:14, 25:13), «Qaraǵandy» Óskemenniń «Altaıyn» 3:0 (25:22, 25:17, 25:22) esebimen utty.

Eske sala keteıik, budan buryn voleıboldan Qazaqstan chempıonatynda «Turannyń» «Jetisý» komandasynan aılasyn asyrǵanyn jazǵan bolatynbyz.