Voleıboldan dástúrli respýblıkalyq týrnır aıaqtaldy
QYZYLORDA. QazAqparat - Qyzylorda oblysy, Aral aýdanynda Ashat Ahanovty eske alýǵa arnalǵan voleıboldan 2001-2002 jyldary týǵan jasóspirimder arasynda respýblıkalyq týrnır aıaqtaldy, dep habarlady QazAqparat tilshisi oblystyq dene shynyqtyrý jáne sport basqarmasyna silteme jasap.
Jarysqa Aqtóbe, Mańǵystaý, jáne Qyzylorda oblystarynan 28 komanda (uldar - 17, qyzdar 11 komanda), barlyǵy 280 sportshy qatysty.
Nátıjesinde, uldar arasynda Shıeli aýdanynyń №9 ORMBJM komandasy týrnır jeńimpazy atandy. Ekinshi oryndy - Aral aýdanynyń Jaqsyqylysh kenti, úshinshi oryndy Aral aýdanynyń №19 ORMBJM komandalary enshiledi.
Qyzdar arasynda Aqtóbe qalasynyń sportshylary myqtylyqtaryn dáleldese, kúmis júlde - Yrǵyz aýdanyna, qola júlde Aral aýdanynyń №19 ORMBJM komandasyna buıyrdy.
Týrnır úzdikteri:
Uldar arasynda:
Úzdik qorǵaýshy - Nurdáýlet Teneladınov (Aqtaý)
Úzdik baılanystyrýshy - Bekarys Ǵabıtuly (Aqtóbe)
Úzdik shabýylshy - Erjan Adaev (Aqtóbe)
Qyzdar arasynda:
Úzdik qorǵaýshy - Anar Baımaǵanbetova (Aqtóbe)
Úzdik baılanystyrýshy - Aıdana Moldabek (Mańǵystaý)
Úzdik shabýylshy - Aqjeleń Qurmanova (Shıeli)
