Voleıboldan Balalar lıgasynyń kúzgi el chempıonaty ótti
ALMATY. 12 qarasha. QazAqparat - Almaty men Astana qalalarynda voleıboldan Balalar lıgasyndaǵy qyzdar arasynda kúzgi Qazaqstan chempıonattary ótti.
Almatydaǵy saıysta 2000-2001 jylǵylar arasynda 14 komandanyń arasynan 1-3-oryndy Soltústik Qazaqstan oblysy, Qaraǵandy qalasy men Pavlodar oblysy ózara bólisti. 1998-1999 jylǵylar arasynda da 14 komandanyń arasynan Soltústik Qazaqstan, Pavlodar, Qaraǵandy oblystary úzdik shyqty. Al Astanadaǵy 1996-1997 jylǵy jasóspirim qyzdar arasyndaǵy básekege 7 komanda qatysqan bolatyn. Onda birinshi jáne sońǵy oryndy jarys qojaıyndarynyń «Oqýshylar saraıy» jáne «Astana» voleıbolshylary ıelendi. Qostanaı qalasy men Almaty oblysynyń «Jetisý» komandasy júldeli 2-3-oryndy bólisti.
QR Voleıbol federatsııasynyń baspasóz qyzmetiniń habarlaýynsha, soltústikqazaqstandyqtar osymen ekinshi ret 2 topta birdeı Qazaqstan chempıony atanyp otyr. Máselen bıyl olar 12-13 jáne 14-15 jastaǵy kishi jáne orta topta úzdik shyqsa, byltyr kishi (12-13 jastaǵy) jáne joǵary jastaǵy (16-17 jastaǵy) toptar arasynda jeńimpaz atanǵan kórinedi. Endi qysqy el birinshilgi 4-11 qańtarda Pavlodar men Qostanaı qalalarynyń birinde jáne Óskemende ótpek. Al kóktemdi chempıonat 22-29 naýryzda Taraz ben Temirtaýda óz jalaýyn kóteredi dep josparlanýda.
