Voleıboldan Azııa kýbogyn Qazaqstan quramasy júldesiz aıaqtady
ASTANA. KAZINFORM — Fılıppınniń Kandon qalasynda voleıboldan áıelder komandalary arasynda ótip jatqan Azııa kýbogy dodasynda Qazaqstan quramasy qola júlde úshin synǵa tústi.
Asqar Shalqybekovtiń shákirtteri Vetnam quramasymen úshinshi oryndy sarapqa saldy.
Toptyq básekede qazaqstandyqtar Vetnamdy 3:2 esebimen jeńgen edi.
Jartylaı fınalda Qazaqstan komandasy Taıbeıge ese jiberse, vetnamdyq voleıbolshylar Ońtústik Koreıadan utylyp qaldy.
Bul joly Vetnam quramasy ese qaıyryp, 3:0 (25:17, 25:12, 25:19) esebimen jeńiske jetti.
Osylaısha, qazaqstandyqtar Azııa kýbogyn júldesiz aıaqtap, tórtinshi orynǵa ıe boldy.
Eske sala keteıik, budan buryn Qazaqstan quramasynyń voleıboldan Azııa kýbogynyń qola júldesine talasatynyn jazǵan edik.
