Voleıboldan Azııa kýbogy: Qazaqstan quramasy jartylaı fınalǵa joldama aldy
ASTANA. KAZINFORM – Fılıppınniń Kandon qalasynda voleıboldan áıelder komandalary arasynda ótip jatqan Azııa kýbogy oıyndarynda Qazaqstan quramasy V tobynda kósh bastap keledi.
Qazaqstandyqtar tórtinshi matchyn Lıvan quramasymen ótkizdi.
Qarsylasy aýtsaıder bolǵandyqtar, bas bapker Asqar Shalqybekov negizgi quram oıynshylaryna demalys berdi.
Alańǵa aldymen Natalıa Hazova (baılanystyrýshy), ıÝlııa Fomenko, Aıgúl Múlkibaeva, Ekaterına Mıhaılova, Dınara Razakberlına, Bota Ýataeva, Ámına Qyryqbaeva (lıbero) shyqty. Kóp uzamaı olardyń birqataryn basqa voleıbolshylar almastyrdy.
Qazaqstan quramasy Lıvandy 3:0 (25:11, 25:19, 25:14) esebimen tize búktirip, upaı sanyn 12-ge jetkizdi.
V tobynda Vetnam 11 upaımen ekinshi orynda tur. Erteń Qazaqstan men Vetnam arasyndaǵy matchta qaı komandanyń birinshi orynmen jartylaı fınalǵa shyǵatyny sheshiledi.
Eske sala keteıik, budan buryn voleıboldan Azııa kýbogynda Qazaqstan quramasynyń tartysty básekede Irandy jeńgenin jazǵan edik.
