Voleıboldan Azııa kýbogy: Qazaqstan quramasy tartysty matchta Bahreınge jol berdi
ASTANA. KAZINFORM — Úndistannyń Ahmedabad qalasynda voleıboldan erler komandalary arasynda ótip jatqan Azııa kýbogynda Qazaqstan quramasy Bahreınmen synǵa tústi.
Bul kezdesýdiń A tobyndaǵy qos komanda úshin de mańyzy zor edi.
Atalmysh topta alań ıeleri 12 upaımen jeke-dara kósh bastap keledi. Bahreın 6 upaımen ekinshi orynda bolsa, Qazaqstan (5 upaı) úshinshi satyda edi. Sondyqtan jeńgen qurama jartylaı fınalǵa bir taban jaqyndaı túsedi.
Sergeı Trıkozdyń shákirtteri matchty sátti bastady — 25:22. Alaıda budan keıin bahreındikter kúsh alyp ketti — 25:23, 25:17, 25:20. Qorytyndy esep — 3:1, Bahreınniń paıdasynda.
Qazaqstan quramasy óz tobyndaǵy sońǵy oıynyn 26 maýsym kúni Jańa Zelandııamen ótkizedi.
Eske sala keteıik, budan buryn voleıboldan Azııa kýbogynda Qazaqstan quramasynyń Aýstralııany kambekpen jeńgenin jazǵan edik.
Voleıboldan Azııa kýbogynda Qazaqstan quramasy taǵy bir komandany kambekpen utty.
