Voleıboldan Azııa kýbogy: Qazaqstan quramasy tartysty básekede Irandy jeńdi
ASTANA. KAZINFORM – Fılıppınniń Kandon qalasynda voleıboldan áıelder komandalary arasynda ótip jatqan Azııa kýbogy oıyndarynda Qazaqstan quramasy úshinshi kezdesýinde jeńiske jetti.
Asqar Shalqybekovtiń shákirtteri bul joly V tobynda Iran komandasymen sheberlik baıqasty.
Ótken aıda Ortalyq Azııa chempıonatynda qazaqstandyq qyzdar Irannan eki márte jeńilip qalǵan bolatyn.
Azııa kýbogynda alǵashqy matchynda Indonezııaǵa 1:3 esebimen ese jibergendikten, ırandyqtarǵa sheginer jer joq edi. Olar Qazaqstanmen oıyndy sátti bastady – 25:13. Degenmen budan keıin qazaqstandyqtar sheberlikteriniń deńgeıi joǵary ekenin kórsetip, kambek jasaı bildi - 25:20, 25:14, 25:19.
Komanda kapıtany, baılanystyrýshy Natalıa Hazova oıyndy úılestirse, Krıstına Belova, Tatıana ıAtskıv shabýylda kóbirek upaı aldy. Janna Syrojkına, Aıgúl Múlkibaeva, lıbero Ámına Qyryqbaeva jeńiske óz úlesterin qosty. ıÝlııa Fomenko tosqaýyl qoıýda erekshe kózge tústi.
Osylaısha, úsh básekede 9 upaıǵa qol jetkizgen Qazaqstan quramasy jartylaı fınalǵa bir taban jaqyndaı tústi. Qazaqstandyqtar 11 maýsymda Lıvanmen, 12-sinde Vetnammen alańǵa shyǵady.
Eske sala keteıik, budan buryn voleıboldan Azııa kýbogynda Qazaqstan quramasynyń Gonkongtan basym túskenin jazǵan edik.
Sondaı-aq Azııa kýbogynda Qazaqstan quramasy ekinshi jeńisine qol jetkizdi.
