Voleıboldan Azııa kýbogy: Qazaqstan quramasy taǵy bir komandany kambekpen utty
ASTANA. KAZINFORM — Úndistannyń Ahmedabad qalasynda voleıboldan erler komandalary arasyndaǵy Azııa kýbogynda Qazaqstan quramasy úshinshi kezdesýin ótkizdi.
Bul joly A tobynda qazaqstandyqtar Qytaılyq Taıbeı komandasyna qarsy keldi.
Bas bapker Sergeı Trıkoz bastapqyda Aıbek Jaqsylyqov, Asylhan Іzbergenuly, Anton Kýznetsov, Azamat Seıilhanov, Vladıslav Mastıhın jáne Nurlybek Maqsatqa (baılanystyrýshy) senim artty. Lıberolar Mýrodjon Havazmatov pen Islam Assym alma-kezek alańǵa kirip otyrdy.
Taıbeılikter matchty sátti bastady — 25:20.
Ekinshi sette N.Maqsattyń ornyna Nurlybek Nurmahambetov shyqty. Qazaqstandyqtar tartysty partııany óz esebine jazdy — 26:24.
Úshinshi partııada esep 5:6 bolǵan mezette A.Jaqsylyqov dop berýde sheberlik tanytyp, qazaqstandyqtar alǵa ketti — 10:6. Budan keıin N.Nurmahambetov pen A.Іzbergenuly da dopty sátti qosyp, olardy komandalastary qoldaı bildi — 25:16.
Tórtinshi sette qazaqstandyqtar esesin jibergen joq — 25:23.
Qorytyndy esep — 3:1.
Osylaısha, Qazaqstan quramasy upaı sanyn 5-ke jetkizip, óz tobynda úshinshi orynǵa kóterildi.
S.Trıkozdyń shákirtteri 25 maýsym kúni favorıtterdiń biri — Bahreın komandasymen oınaıdy.
Eske sala keteıik, budan buryn voleıboldan Azııa kýbogynda Qazaqstan quramasynyń Aýstralııany kambekpen jeńgenin jazǵan edik.
