Voleıboldan Azııa kýbogy: Qazaqstan quramasy Gonkongtan basym tústi
ASTANA. KAZINFORM – Fılıppınniń Kandon qalasynda áıelder quramalary arasynda Azııa kýbogynyń oıyndary bastaldy.
Qazaqstan ulttyq quramasy V tobynda alǵashqy kezdesýin Gonkongpen ótkizdi. Bas bapker Asqar Shalqybekov Azııa kýbogynda tájirıbeli oıynshylarmen qatar jastarǵa da senim artty.
Birinshi partııada Gonkong voleıbolshylary 25:20 esebimen basymdylyq tanytty. Degenmen budan keıin qazaqstandyqtar kambek jasaı bildi – 25:17, 25:16, 25:13. Qorytyndy esep – 3:1.
Match barysynda Bota Ýataeva, Tatıana ıAtskıv, Krıstına Belova, ıÝlııa Fomenko, Valerııa Nastenko, Natalıa Hazova (baılanystyrýshy) óz sheberlikterimen kózge túse bildi. Lıbero Ámına Qyryqbaeva qorǵanysta barynsha sátti oınady.
Qazaqstandyqtar 7 maýsymda Indonezııa, 8-inde Iran, 11-inde Lıvan, 12-sinde Vetnam quramalarymen kezdesedi. Ár toptan qos úzdik komanda pleı-off kezeńine joldama alady.
Ótken aıda A.Shalqybekovtiń shákirtteri Nepal astanasy Katmandýda ótken Ortalyq Azııa chempıonatynda fınalda Iranǵa ese jiberip, kúmis júldeni qanaǵat tutqan edi.
Eske sala keteıik, budan buryn «Jetisý» voleıbol klýbynyń onynshy ret Qazaqstan chempıony atanǵanyn jazǵan edik.
