Voleıboldan Azııa kýbogy: Qazaqstan quramasy Aýstralııany kambekpen jeńdi
ASTANA. KAZINFORM — Úndistannyń Ahmedabad qalasynda voleıboldan erler komandalary arasynda ótip jatqan Azııa kýbogynda Qazaqstan quramasy alǵashqy jeńisine qol jetkizdi.
Bas bapker Sergeı Trıkoz bul jarysqa jańartylǵan quramdy alyp barǵan edi. Sonyń ishinde jastardy da synap kórýge bel baılaǵan.
A tobyndaǵy ekinshi kezdesýinde Qazaqstan quramasy Aýstralııaǵa qarsy keldi.
Bastapqy eki partııa aýstralııalyqtardyń paıdasyna sheshildi — 25:15, 25:21.
Úshinshi sette Aıbek Jaqsylyqov, Asylhan Іzbergenuly, Anton Kýznetsov, Azamat Seıilhanov, Vladıslav Mastıhın, Nurlybek Maqsat (baılanystyrýshy) sheber oınaı bildi — 25:23.
Tórtinshi set barysynda V.Mastıhın men A.Іzbergenuly eıspen de erekshelendi — 26:24. Esep 24:22 bolǵan mezette Aýstralııa quramasy eki matchbolyn paıdalana almady. Tosqaýylǵa Klım Rıýhov ta sátti qosyla bildi.
Sheshýshi, besinshi partııada S. Trıkozdyń shákirtteri jeńisti julyp aldy — 16:14. Qorytyndy esep — 3:2.
Osylaısha, Qazaqstan quramasy alǵashqy eki upaıdy aldy.
Eske sala keteıik, budan buryn voleıboldan Azııa kýbogynda Qazaqstan erler quramasynyń qarsylastary anyqtalǵanyn jazǵan edik.
Voleıboldan Azııa kýbogynda Qazaqstan quramasy alań ıelerine jol berdi.
