Voleıboldan Azııa chempıondar lıgasy: «Jetisý» qola júlde úshin talasady
ASTANA. KAZINFORM — Taılandta voleıboldan áıelder komandalary arasyndaǵy Azııa chempıondar lıgasynda Taldyqorǵannyń «Jetisýy» jartylaı fınaldyq kezdesýin ótkizdi.
Bıyl onynshy ret Qazaqstan chempıony atanǵan taldyqorǵandyqtar japonııalyq «NEK Red Rokets» klýbymen fınal joldamasyn sarapqa saldy.
Alǵashqy eki partııada japonııalyq voleıbolshylar basymdylyq tanytty — 25:18, 25:20.
Úshinshi sette Marko Grshıchtiń shákirtteri ese qaıyrdy — 26:24. Alaıda izinshe japonııalyq klýb matchty jeńispen túıindedi — 25:22. Qorytyndy esep — 3:1.
Japonııalyqtar eıs jasaýdan úzdik bolsa, qazaqstandyqtar tosqaýyl qoıýdan jaqsy nátıje kórsetti.
Osylaısha, «NEK Red Rokets» klýby fınalǵa shyqsa, «Jetisý» qola júlde úshin talasatyn boldy. Taldyqorǵandyqtardyń qarsylasy keıin anyqtalady.
Sóıtip, «Jetisý» ótken jylǵy chempıondyq ataǵyn qorǵaı almady.
Eske sala keteıik, budan buryn voleıboldan «Jetisý» klýbynyń Azııa chempıondar lıgasynyń jartylaı fınalyna ótkenin jazǵan bolatynbyz.
