Voleıboldan Azııa chempıondar lıgasy: «Aqtóbe» shırek fınalda qatarlyq komandamen oınaıdy

ASTANA. KAZINFORM – Japonııada voleıboldan erler komandalary arasynda ótip jatqan Azııa chempıondar lıgasynda «Aqtóbe» klýby shırek fınalǵa shyqty.

Keshe aqtóbelikter A tobynda aýstralııalyq «Queensland Pirates» komandasyn 3:0 esebimen jeńgen edi.

Búgin «Aqtóbe» klýby japonııalyq, 2023 jylǵy Azııa klýbtyq chempıonatynyń jeńimpazy «Suntory Sunbirds Osaka» komandasymen sheberlik baıqasty.

Sergeı Trıkoz aldymen jas oıynshylarǵa senim artty.

Al qarsylas komandanyń sapynda Japonııa ulttyq quramasy múshelerimen qatar reseılik Dmıtrıı Mýserskıı sııaqty belgili voleıbolshylar óner kórsetti. 

Ekinshi partııada «Aqtóbe» quramynda qazaqstandyqtarǵa qosa reseılikter Kırıll Kostylenko, Nıkıta Shvalev, ýkraınalyq baılanystyrýshy Roman Handrolın sııaqty tájirıbeli oıynshylar alańǵa shyqty.

Bul match 3:0 (25:14, 25:16, 25:19) japonııalyq klýbtyń jeńisimen aıaqtaldy. 

Osylaısha, «Aqtóbe» A tobynan ekinshi orynmen shırek fınalǵa joldama aldy.

Endi 15 mamyrda qatarlyq «Al Payyan» komandasymen jartylaı fınal joldamasyn sarapqa salady. 

Eske sala keteıik, budan buryn «Aqtóbe» klýbynyń Azııa chempıondar lıgasyn jeńispen bastaǵanyn jazǵan edik.