Voleıboldan Azııa chempıonatynda Qazaqstan komandasy besinshi oryn aldy
NUR-SULTAN. QazAqparat - Voleıboldan Qazaqstan áıelder komandasy Azııa chempıonatynda úzdik bestikke endi dep habarlaıdy Olympic.kz.
Bul kúnderi Ońtústik Koreıa astanasy Seýlde voleıboldan áıelder arasyndaǵy Azııa birinshiligi ótip jatyr. Qazaqstan komandasy besinshi oryn úshin ótken matchta Taıpeımen kezdesip, 3:1 esebimen jeńiske jetti.
Osylaısha, qazaqstandyqtar qurlyq dodasyna bestikke enip otyr. Sondaı-aq, bizdiń komanda kelesi jyly ótetin lıtsenzııalyq týrnırge qatysý quqyǵyn jeńip aldy.
Azııa aımaqtyq irikteý synyna qatysý úshin qurlyq chempıonatyndaǵy úzdik alty komandanyń qatarynda bolý qajet.
