Voleıboldan Azııa chempıonaty: Qazaqstan Omannan basym tústi
ASTANA. QazAqparat - Iranda ótip jatqan voleıboldan 18 jasqa deıingi erler arasyndaǵy Azııa chempıonatynda Qazaqstan quramasy eki oıyn ótkizip, birinde qarsylastarynan basym tússe, ekinshisinde jeńilip qaldy, dep habarlaıdy QazAqparat tilshisi.
QR UOK baspasóz qyzmetiniń habarlaýynsha, Úndistan quramasyna qarsy alǵashqy oıynda otandastarymyz qarsylastaryna úsh partııada ese jiberip aldy. Esep: 21-25, 23-25, 21-25.
Al ekinshi oıynda Qazaqstan quramasy Omanmen kezdesip, tartysty ótken matchta voleıbolshylarymyz 25-23, 36-34, 25-19 esebimen jeńiske qol jetkizdi. Bul kezdesýde 19 upaı jınaǵan Ilıa Chekýrskov úzdik oıynshy atandy.
Osylaısha, bir jeńisten keıin úsh upaı enshilegen otandastarymyz óz tobynda ekinshi orynda tur. Endi, qazaqstandyqtar kelesi kezdesýdi Jańa Zelandııaǵa qarsy ótkizbek.
