Voleıboldan Azııa chempıonaty: Qazaqstan quramasy neshinshi orynǵa jaıǵasty
NUR-SULTAN. QazAqparat - Japonııanyń Tıba qalasynda ótip jatqan voleıboldan erler arasynda Azııa chempıonatynda Qazaqstan quramasynyń qaı oryn alǵany belgili boldy, dep habarlaıdy QazAqparat tilshisi.
Qazaqstandyq voleıbolshylar búgin Saýd Arabııasynan 11-oryn úshin saıysta 3:0 esebimen basym tústi.
Osylaısha qurlyqtyq dodadaǵy jarysyn aıaqtady.
Eske salsaq, qazaqstandyq voleıbolshylar D tobynda synǵa tústi. Qarsylastary - Ońtústik Koreıa, Qytaılyq Taıbeı jáne Saýd Arabııasy.
Toptyq kezeńde qazaqstandyq voleıbolshylar barlyq qarsylasynan 0:3 esebimen jeńilip qaldy.
Odan keıin 9-12 oryndar úshin saıysta Bahreınge 1:3 esebimen jol berdi.
Aıta ketsek, qurlyqtyq dodaǵa barlyǵy 16 qurama qatysty.
Búgin fınalda Japonııa men Iran sheberlik baıqasady.
