Voleıboldan Azııa chempıonaty: «Altaı» óz tobynda kósh bastady
ASTANA. QazAqparat - Voleıboldan qyzdar arasyndaǵy Azııa chempıonatynyń toptyq kezeńinde elimizdiń namysyn qorǵaǵan «Altaı» komandasy «CMFC» komandasymen kezdesti, dep habarlaıdy QazAqparat tilshisi ShQO dene shynyqtyrý jáne sport basqarmasynyń baspasóz qyzmetine silteme jasap.
Chempıonattyń tájirıbeli komandasy retinde «Altaı» Qytaılyq Taıbeıdi ońaı jeńetindeı kóringen. Alaıda iske kelgende qarsylas komandanyń tastaı qorǵanysy altaılyqtardy aıtarlyqtaı terletkeni anyq. Birinshi partııanyń nátıjesi 21:25 esebimen qarsylastardyń esesinde ketti.
Ekinshi settiń ortasyna qaraı oıynnyń betalysy zaldaǵy kórermenderimizdi úreılendireıin dedi. Sebebi «CMFC» tórt upaıǵa alǵa shyǵyp ketken bolatyn. Alaıda «Altaı» chempıonattyń kóshbasshylarynyń biri bolǵandyqtan, ońaı berile salý oıda joq-tyn. ıÝrıı Panchenkonyń shákirtteri der kezinde basymdyqty julyp alyp, taıbeılikterdi ekinshi partııada 25:18 esebimen artta qaldyrdy.
Osydan keıin-aq «Altaıdyń» tasy órge domalady. Tipti úshinshi setti 25:13 esebimen aıqyn jeńiske birtaban jaqyndady. Tórtinshi partııada taǵy da 25:23 esebimen komandamyz qarsylastaryn tize búktirdi. «Altaı» sapynda jasyndaı jarqyldaǵan Olga Drobyshevskaıa jeńis golymen kezdesýge núkte qoıdy. Aıta keterligi, ulttyq quramamyzdy qoldaýǵa oblys ákimi Danıal Ahmetov ta kelgen edi.
Erteń saǵat 20:00 ýaqytynda «Altaı» vetnamdyq VTV Bın Den Long An» komandasymen oıyn ótkizedi. Búgingi kúni «Altaı» chempıonattyń «B» tobynda kósh bastap tur.
