Voleıboldan Azııa chempıonatynda Qazaqstan áıelder quramasynyń qarsylastary anyqtaldy
ASTANA. KAZINFORM — Qytaıdyń Tıantszın qalasynda 21-30 tamyzda áıelder komandalary arasynda ótetin Azııa chempıonatynyń jerebesi tartyldy.
Qazaqstan voleıbol federatsııasynan málim etkenindeı, Asqar Shalqybekov jattyqtyratyn qazaqstandyqtar V tobynda Taıland, Indonezııa jáne Aýstralııa komandalarymen oınaıdy.
A tobynda Qytaı, Qytaılyq Taıbeı, Iran jáne Irak quramalary synǵa túsedi.
S tobynda Japonııa, Vetnam, Ońtústik Koreıa jáne Gonkong komandalary myqtyny anyqtaıdy.
Reglamentke sáıkes segiz úzdik qurama shırek fınalǵa joldama alady. Bul rette jeńis, upaı sany, sodan keıin partııalardaǵy dop aıyrmasy eskeriledi.
Budan úsh jyl buryn Azııa chempıonatynda Qazaqstan quramasy besinshe orynǵa ıe bolǵan edi.
Eske sala keteıik, budan buryn voleıboldan Ortalyq Azııa chempıonatynda Nepaldy utqan Qazaqstan besinshi oryndy qanaǵat tutqanyn jazǵan edik.
