Voleıboldan Azııa chempıonaty: Qazaqstan quramasy Taılandtan jeńilip qaldy
ASTANA. KAZINFORM — Qytaıdyń Tıantszın qalasynda voleıboldan áıelder komandalary arasynda ótip jatqan Azııa chempıonatynda Qazaqstan quramasy óz tobyndaǵy qorytyndy kezdesýin ótkizdi.
Qazaqstandyqtar V tobynda bul joly Taıland quramasyna tap keldi. Favorıtterdiń birinen sanalatyn taılandtyqtar osyǵan deıin Aýstralııa jáne Indonezııa komandalaryn 3:0 esebimen jeńip, shırek fınalǵa merziminen buryn joldama alǵan edi.
Birinshi partııa 25:22 esebimen taılyqtardyń paıdasyna sheshildi. Ekinshisinde olar 13:9 esebimen alǵa shyqqanymen, qazaqstandyqtar tarazy basyn teńestire aldy – 13:13. Biraq odan árige shamasy jetpedi – 16:25.
Úshinshi sette qazaqstandyqtar 7:4, 18:14 esebimen alǵa shyǵyp, sony paıdalana bildi – 25:23. Degenmen tórtinshi partııada Taıland bet qaratpady – 25:11. Qorytyndy esep – 3:1, Taılandtyń paıdasynda.
Shırek fınalǵa shyqqan komandalar toptyq básekeler aıaqtalǵannan keıin belgili bolady.
Eske sala keteıik, budan buryn voleıboldan Azııa chempıonatyna qatysatyn Qazaqstan áıelder quramasy anyqtalǵanyn jazǵan edik.
Sondaı-aq voleıboldan Azııa chempıonatynda Qazaqstan áıelder quramasy Indonezııaǵa ese jiberdi.
Voleıboldan Azııa chempıonatynda Qazaqstan quramasy Aýstralııadan basym tústi.
