Voleıboldan Azııa chempıonaty: Qazaqstan quramasy Aýstralııadan basym tústi
ASTANA. KAZINFORM — Qytaıdyń Tıantszın qalasynda voleıboldan áıelder komandalary arasynda ótip jatqan Azııa chempıonatynda Qazaqstan quramasy alǵashqy jeńisine qol jetkizdi.
Qazaqstandyqtar V tobyndaǵy ekinshi oıynynda Aýstralııamen sheberlik baıqasty.
Keshe Indonezııaǵa 0:3 esebimen ese jibergen Asqar Shalqybekovtiń shákirtteri búgin sátti oınady. Birinshi partııada 25:21 esebi tirkelse, odan keıingi eki setti de qazaqstandyqtar jeńispen aıaqtaı bildi – 25:18, 25:21.
Qorytyndy esep – 3:0, Qazaqstannyń paıdasynda.
Osylaısha, úsh upaıǵa ıe bolǵan Qazaqstan quramasy 25 tamyzda toptaǵy qorytyndy kezdesýin Azııa chempıony Taılandpen ótkizedi.
Úsh toptaǵy básekeler nátıjesi boıynsha segiz úzdik komanda shırek fınalǵa joldama alady.
Eske sala keteıik, budan buryn voleıboldan Azııa chempıonatyna qatysatyn Qazaqstan áıelder quramasy anyqtalǵanyn jazǵan edik.
Sondaı-aq voleıboldan Azııa chempıonatynda Qazaqstan áıelder quramasy Indonezııaǵa ese jiberdi.
