Voleıboldan Azııa chempıonaty: Qazaqstan qyzdary Indonezııany qapy qaldyrdy
ASTANA. KAZINFORM — Taılandta voleıboldan 18 jasqa deıingiler arasynda Azııa chempıonatynda Qazaqstan quramasy kezekti oıynyn ótkizdi.
Jartylaı fınalǵa shyǵa almaǵanymen, 5-8 oryndar úshin talasyp jatqan Vladımır Anıkonovtyń shákirtteri Indonezııamen sheberlik baıqasty.
Birinshi partııada ındonezııalyqtar 25:17 esebimen basymdylyq kórsetti.
Ekinshi jáne úshinshi setti Qazaqstan óz esebine jazdy – 25:23, 2517.
Tórtinshisinde Indonezııa tarazy basyn teńestirdi – 25:21.
Sheshýshi, besinshi partııada qazaqstandyq qyzdar jeńisti julyp aldy – 15:13. Qorytyndy esep – 3:2.
Erteń Qazaqstan quramasy Vetnammen sheberlik baıqasady.
Eske sala keteıik, budan buryn voleıboldan Azııa chempıonatynda Qazaqstan qyzdar quramasy jartylaı fınaldan tys qalǵanyn jazǵan edik.
Sondaı-aq voleıboldan qazaqstandyq tóreshi Azııada úzdik shyqty.
