Voleıboldan Azııa chempıonaty: Qazaqstan qyzdar quramasy jartylaı fınaldan tys qaldy
ASTANA. KAZINFORM - Taılandta 18 jasqa deıingiler arasynda voleıboldan Azııa chempıonatynyń shırek fınaldyq básekeleri aıaqtaldy.
Qazaqstan qyzdar quramasy Ońtústik Koreıa komandasymen jartylaı fınal joldamasyn sarapqa saldy.
Birinshi partııada esep 24:19 bolǵan mezette qazaqstandyqtar bes birdeı setboldy paıdalana almady - 24:26.
Ekinshi sette ońtústikkoreıalyqtar 25:19 esebimen basym tústi.
Vladımır Anıkonovtyń shákirtteri úshinshi partııany óz esebine jazdy - 25:21. Biraq odan árige shamasy jetpedi - 16:25.
Qorytyndy esep - 3:1, Ońtústik Koreıanyń paıdasynda.
Osylaısha, Qazaqstan qyzdar quramasy júldeli oryndarǵa talasý múmkindiginen aıyryldy.
Eske sala keteıik, budan buryn voleıboldan Azııa chempıonatynda Qazaqstan qyzdar quramasy pleı-off kezeńine shyqqanyn jazǵan edik.
