Voleıboldan Azııa chempıonaty: Qazaqstan áıelder quramasy Indonezııaǵa ese jiberdi
ASTANA. KAZINFORM — Qytaıdyń Tıantszın qalasynda voleıboldan áıelder komandalary arasynda ótip jatqan Azııa chempıonaty Qazaqstan quramasy úshin sátsiz bastaldy.
Qazaqstandyqtar V tobyndaǵy alǵashqy oıynynda Indonezııa komandasymen alańǵa shyqty.
Qazaqstan quramasynyń bas bapkeri Asqar Shalqybekov komanda kapıtany Krıstına Belova, Polına Ýfımtseva, ıÝlııa Fomenko, Tatıana Nıkıtına, Janna Syroejkına, baılanystyrýshy Irına Kýznetsova jáne lıbero Mádına Beketke senim artty.
Birinshi partııada qazaqstandyqtar birden 4:1 esebimen alǵa ketkenimen, sol qarqynyn jalǵastyra almady — 23:25.
Ekinshi sette Qazaqstan quramasy 15:10 esebimen alda turdy. Alaıda osydan keıin qazaqstandyq oıynshylardyń qateligin paıdalanǵan ındonezııalyqtar kúsh alyp ketti — 16:10. Perızat Nurbergenova, Margarıta Belchenko alańǵa shyqqanymen, odan eshteńe ónbedi — 23:25.
Úshinshi partııada da ındonezııalyqtar jınaqy oınady — 25:23. Qorytyndy esep — 3:0, Indonezııanyń paıdasynda.
Osylaısha, bastapqy matchynda-aq jeńiliske ushyraǵan qazaqstandyqtar jaǵdaıyn qıyndatyp aldy.
Qazaqstan quramasy 23 tamyzda Aýstralııa, 25 tamyzda favorıtterdiń biri, Azııa chempıony — Taıland quramasymen sheberlik baıqasady.
Eske sala keteıik, budan buryn voleıboldan Azııa chempıonatyna qatysatyn Qazaqstan áıelder quramasy anyqtalǵanyn jazǵan edik.
