Voleıboldan áıelder quramasy Azııa oıyndarynyń qola júldegeri atandy
ALMATY. 29 qarasha. QazAqparat /Erlik Erjanuly/ - Gýanchjoýda ótip jatqan XVI Azııa oıyndarynda áıelder quramasy úzdik úshtiktiń qataryna endi. Nellı Şerbakovanyń tálimgerleri ótken senbi kúngi aqtyq saıysta Soltústik Koreıa quramasyn 3:0 (25-21, 25-16, 25-22) esebimen oısyrata utty.
Jalpy bul baıraqty básekede qazaqstandyqtar tek jartylaı synda ońtústik koreıalyqtarǵa (0-3) ese jiberdi. Al Soltústik Koreıa quramasyn 3-0 esebimen jeńgen jarys qojaıyndary aqtyq synda, Ońtústik Koreıa sportshylaryn 3-2 (21-25, 22-25, 25-10, 25-17, 16-14) esebimen utty. Sonyń nátıjesinde qytaılyqtar Azııa oıyndarynyń jeńimpazy, ońtústik koreıalyqtar kúmis, qazaqstandyqtar qola júldeger atandy.
