Voleıboldan áıelder komandalary arasyndaǵy Qazaqstan kýbogynyń shırek fınalyna qatysýshylar anyqtaldy
ALMATY. 9 qazan.m QazAqparat - Temirtaýda 2-7 qazan kúnderi voleıboldan áıelder komandalary arasynda HHІ Qazaqstan kýbogynyń alǵashqy kezeńi ótti. Onda 10 komandanyń arasynan úzdik shyqqan 5 komanda 16-23 qazan kúnderi bolatyn shırek fınaldyq oıyndarǵa joldama aldy.
Endi «Qaraǵandy», «Shyǵys-QorǵasynQurylys»( Óskemen), «Qostanaı» jáne «Metallýrg AMT» (Temirtaý), «Qýanysh jáne K» (Soltústik Qazaqstan oblysy) voleıbolshylary «Astana», «Almaty» jáne «Ertis-Qazhrom»(Pavlodar) komandalarymen birge jartylaı fınalǵa shyǵýǵa talasady. Olardyń qataryn sońǵy jyldary el chempıonaty men kýbogynyń ıegeri bolyp júrgen «Jetisýlyqtar» (Taldyqorǵan) tolyqtyrmaq.
«Qaraǵandy», «Shyǵys-QorǵasynQurylys», «Jetisý», «Astana» - Ulttyq lıgada óner kórsetetin ujymdar. Al «Qostanaı» Joǵary lıganyń «A» dıvızıonynda, «Qýanysh jáne K» onyń «B» dıvızıonynda baq synap júrgen komandalar.
