Voleıboldan áıelder komandalary arasyndaǵy Qazaqstan kýbogynyń shırek fınaldyq oıyndarynda jetisýlyqtar kósh bastap kele jatyr
ALMATY. 10 qazan. QazAqparat /Erlik Erjanuly/ -11 qazanda Pavlodarda voleıboldan áıelder arasynda ótip jatqan Qazaqstan kýbogynyń shırek fınaldyq oıyndary aıaqtalady.
Qazirgi tańda týrnır kestesinde Almaty oblysynyń «Jetisý» komandasy kósh bastap kele jatyr.
4 qazanda bastalǵan bul baıraqty básekede olarǵa Pavlodar oblysynyń «Ertis-Qazhromy» ǵana aıtarlyqtaı qarsylyq kórsetti. Olardy 3:2 esebimen utqan jetisýlyqtar ózge 4 kezdesýde qarsylastaryna birde-bir upaı ustatqan joq. Shildeniń 7-sine deıin týrnır kestesinde kósh bastap kelgen astanalyqtar da laıyqty qarsylas bola almady.
Jetisýlyqtar buǵan deıin Oraldyń «Gratsııa-KZ», «Qaraǵandynyń «Qaraǵandy», Temirtaýdyń «Metallýrg AMT», Astananyń «Astanasyn» 3:0, Pavlodardyń «Ertis Qazhromyn» 3:2 etip utqan bolatyn. Búgin olar Almatynyń «Almaty»komandasymen, al erteń Óskemenniń «Shyǵys-QorǵasynQurylys» voleıbolshylarymen sheberlik synasady. Qaraǵandylyqtarǵa 1:3, astanalyqtarǵa 0:3 esebimen ese jibergen almatylyqtar keshe óskemendikterdi (3:0) oısyrata utqan edi. Barlyq kezdesýde jeńilis tapqan ósemendikterdiń qorjynynda qazir birde-bir upaı joq.
