Voleıboldan áıelder komandalary arasyndaǵy el chempıonatynyń 2-týrynda barlyq oıynda birdeı esepter tirkelýde
ALMATY. 6 jeltoqsan. QazAqparat /Erlik Erjanuly/ - Almatydaǵy Oktıabr Jarylǵapov atyndaǵy sport kesheninde voleıboldan joǵary lıgadaǵy áıelder komandalary arasynda XIX Qazaqstan chempıonatynyń 2-týry ótip jatyr.
3 jeltoqsan kúni bastalǵan bul dodada alǵashqy úsh kúnde barlyq kezdesýler 3:0 esebimen aıaqtaldy. Onda ázirge Óskemenniń «Shyǵys-QorǵasynQurylys», Qostanaıdyń «Ivolga», Temirtaýdyń «Spartak AMT» jáne Almatynyń «Almaty-TsSKA» komandalary jeńilissiz kele jatyr. Bul baıraqty báseke sársenbi kúni aıaqtalady. Jalpy 11-16 qarasha kúnderi Temirtaýda bolǵan alǵashqy týrda almatylyqtar tórtinshi orynǵa taban tiregen edi. Onda úzdik úshtikke «Shyǵys-QorǵasynQurylys», «Spartak AMT» men «Ivolga» engen bolatyn.
