Voleıboldan áıelder arasyndaǵy Qazaqstan Kýbogynyń jartylaı fınalyna shyqqan komandalar anyqtaldy
ALMATY. 10 qarasha. QazAqparat - Qaraǵandydaǵy «Jastar» sport kesheninde 2-9 qarasha kúnderi
voleıboldan áıelder komandalary arasyndaǵy Qazaqstan Kýbogynyń shırek fınaldyq oıyndary ótti. Onda barlyq qarsylastaryn oısyrata utqan Taldyqorǵannyń «Jetisýy» 21 upaı jınap, jeńimpaz atandy. «Jetisýlyqtarǵa» ǵana utylyp, pavlodarlyqtarmen upaı bólisken alań qojaıyndary 17 upaımen - ekinshi, «astanalyqtar» 15 upaımen - úshinshi, pavlodarlyqtar («Ertis-Qazhrom») 13 upaımen tórtinshi oryn aldy jáne jartylaı fınaldyń joldamasyn ıelendi. Týrnır kestesinde úzdik úshtiktiń qatarynda bolyp kelgen «almatylyqtar» sońǵy eki kezdesýde astanalyqtarǵa - 3:1, pavlodarlyqtarǵa 3:0 esebimen ese jiberip, qorytyndy esepte 9 upaımen besinshi orynǵa túsip qaldy. Odan keıingi oryndardy «Qostanaı (6 upaı), «Gratsııa Astana KZ» (3 upaı) men qorjyny bos qaıtqan Temirtaýdyń «Spartak» komandasy ózara bólisti.
Endi 12 qarasha kúni «Jastar» saraıynda «Qaraǵandy» men «Astana», «Jetisý» men «Ertis-Qazhrom»komandalary jartylaı synda qaıta kezdesedi.Kelesi kúni bul saıysta basym túskender Kýbok úshin, al jeńilgenderi úshinshi oryn úshin talasatyn bolady.
