Voleıboldan áıelder arasynda FIVB Álemdik gran-prıdiń 3-kezeńi bastaldy

21 tamyzǵa deıin sozylatyn bul básekede Baqytjan Baıtóreevtiń tálimgerleri Polsha, Domınıkan jáne Qytaı voleıbolshylarymen saıysqa túsedi. Olar búgin alǵashqy oıynyn Polsha quramasymen ótkizýde. Bul kezdesý Qazaqstan ulttyq telearnasynda túngi 22:50-de translıatsııalanatyn bolady. Endi erteń Qytaı, al arǵy kúni Domınıkan sportshylarymen baq synamaq. Onda bas bapker bul joly ıAna Petrenko, Olga Nasedkına, Krıstına Trýbına, Alena Omelchenko, Korınna Ishımtseva, Irına Lýkomskaıa, Elena Ezaý, Marına Storojenko, Radmıla Beresneva, Zarına Seıitqazınova, Irına Shenberger, Olga Drobyshevskaıa, Natalıa Kýlınıch men Ekaterına Akılovaǵa úmit artyp otyr.

Jalpy qazirgi tańda 2 kezeńniń qorytyndysy boıynsha 16 komandanyń arasynda Polsha - 8, Qytaı - 10, Domınıkan - 14, Qazaqstan - 15 orynda kele jatyr. Qazaqstandyqtar bul jolǵy qarsylastarynyń ishinen buǵan deıin 5-7 tamyzda Qytaıdyń Lýohe qalasynda ótken Álemdik gran-prıdiń alǵashqy kezeńinde qytaılyqtarmen kezdesip, 3:0 esebimen ese jibergen bolatyn.