Voleıboldan AVC ulttar kýbogynda Qazaqstan óz tobynda kósh bastady
ASTANA. KAZINFORM - Fılıppınniń Kandon qalasynda osy kúnderi áıelder arasynda AVC Women’s Nations Cup voleıbol týrnıri ótip jatyr, dep habarlaıdy QR Ulttyq olımpıkadalyq komıteti.
Qazaqstan quramasy toptyq kezeńdegi úshinshi matchyn Iran quramasyna qarsy ótkizdi.
Kezdesý otandastarymyzdyń 3:1 esebimen (13:25, 25:20, 25:14, 25:18) jeńisimen aıaqtaldy.
Buǵan deıin Qazaqstan quramasy Gonkongty (3:1) jáne Indonezııany (3:0) jeńgen bolatyn. Toǵyz upaı jınaǵan bizdiń qurama V tobynda birinshi orynǵa kóterildi.
Qalǵan matchtarda qazaqstandyq voleıbolshylar Lıvan jáne Vetnam quramalarymen kezdesedi.
Aıta keteıik, A tobynda Fılıppın, Qytaı Taıbeıi, Ońtústik Koreıa, Qyrǵyzstan, Ózbekstan jáne Aýstralııa quramalary óner kórsetýde.
Toptyq kezeń qorytyndysy boıynsha ár toptan úzdik eki komanda jartylaı fınalǵa joldama alady.
Osyǵan deıin Qazaqstanda alǵash ret estetıkalyq toptyq gımnastıkadan Azııa chempıonaty ótetini týraly jazdyq.
